Deputatdan kredit götürməyə ehtiyacı olan vətəndaşlara ŞAD XƏBƏR
14:08 / 10.04.2018
3273
"Mərkəzi Bankın uçot dərəcəsinin 13 faizdən 11 faizə endirilməsi ilə bağlı qərarı mühüm iqtisadi və sosial əhəmiyyət kəsb edir".
Bu sözləri Sfera.az-a açıqlamasında Milli Məclisin deputatı Rauf Əliyev bildirib.
Rauf Əliyevin sözlərinə görə, uçot dərəcəsinin aşağı salınması birinci növbədə iqtisadiyyatın bütün sahələrinin daha da sürətlə inkişaf etməsini stimullaşdıracaq:
"Bu qərarın qəbul edilməsi göstərir ki, hazırda Azərbaycanda aparılan sosial-iqtisadi siyasətin nəticələri Mərkəzi Bankın bu addımı atmasına imkan verir".
Deputat söyləyib ki, aşağı faizlə kredit götürən dövlət və özəl müəssisələr istehsalı və digər iqtisadi fəaliyyət növlərini inkişaf etdirməkdə maraqlıdırlar:
"Kredit faizinin aşağı salınması eyni zamanda mühüm sosial əhəmiyyət kəsb edir. Kredit götürməyə ehtiyacı olan vətəndaşlarımız üçün bu qərarın əhəmiyyəti çox böyükdür. Eyni zamanda kiçik və orta sahibkarlıqla məşğul olanlar da bu qərardan faydalanacaqlar. Bu qərar ümumilikdə iqtisadiyyatın bütün sahələrinin inkişafina, məşğulluğun artırılmasına və son nəticədə əhalinin rifah halının daha da yüksəlməsinə imkanları daha da genişləndirəcək".
Orxan Bəşirov
