Almaniyada yük maşını kafeyə girib: ölən və yaralananlar var - FOTO
Dünya
20:30 / 07.04.2018
2164
Almaniyada yük maşını kafeyə girib: ölənlər, 50 yaralı var
Şənbə günü yerli vaxtla saat 17 radələrində Almaniyanın Münster şəhərində köhnə şəhərin mərkəzində yük maşını səkiyə çıxaraq adamları vurub. KİV-in təcili xidmət mənbələrindən aldığı İlkin məlumatlara görə, hadisə nəticəsində üç nəfər həlak olub. Lakin qurbanların siyahısı natamam ola bilər. Belə ki, əvvəl 30 nəfərin xəsarət aldığı bildirilirdisə, tezliklə bu rəqəm 50-ə çatıb. İlk dəqiqələrdən polis hadisəni şərh etməkdən qətiyyətlə imtina etməklə yanaşı məlumatı yaymamağa çağırıb. Lakin yerli jurnalistlər terror aktının olduğunu bildirirlər. Yük maşınının sürücüsü intihar edib.
Bir neçə dəqiqə sonra hadisə yerində üç nəfərin həlak olması barədə məlumat verilib. Xəsarət alanlar haqqında məlumat müxtəlif olub. KİV-in məlumatına görə hadisə nəticəsində zərər çəkənlərin sayı əvvəlcə 30 nəfər bildirilsə də, tezliklə bu 50-dək artıb. Onlardan 6 nəfərin vəziyyəti ağırdır.
Polis hadisə yerini mühasirəyə alaraq vətəndaşları şəhərin mərkəzinə getməməyə çağırır. Həmçinin asayiş keşikçiləri rəsmi kanallar vasitəsilə təşviş və şayiələrə uymamağa çağırır, məlumatlar dəqiqləşdirildikdən sonra bu barədə xəbər veriləcəyini bildirir.
Məlumatlara görə, yük maşınının sürücüsü hadisədən dərhal sonra intihar edib. Onun odlu silahı olması da bildirilir.
Hazırda baş verənləri qeyri-rəsmi olaraq planlaşdırılmış aksiya adlandırmasalar da, rəsmi bəyanatda hadisənin səbəb və motivlərinin hələlik aydın olmadığı bildirilir.
Bəzi məlumatlara görə, hazırda baş verənlərlə bilavasitə əlaqəsi olan daha iki nəfərin axtarıldığı bildirilir. Polis tərəfindən hadisə yerində partlayıcı maddə axtarılır.
Sfera.az
