İqtisadçıdan işsizlərə ŞAD XƏBƏR - "Ölkəmizdə də səmərəsini görə bilərik"
13:52 / 06.04.2018
2316
"Bir çox ölkələrdə bu ənənə sınaqdan keçirilib. Lakin burada işsizlərin hamısı nəzərdə tutulmur. Özü üçün iş qurabilən, səriştəsi olan, layihəsi, biznes planı olan şəxs banka müraciət edərək onu inandırmalıdır ki, götürdüyü vəsait hesabına pul qazanacaq aşağı faiz ödəyəcək, dolanışını təmin edəcək. Hesab edirəm ki, Azərbaycanda da bu nüanslar nəzərə alınsa, bütün dünyada olduğu kimi ölkəmizdə də səmərəsini görə bilərik”.
Bu sözləri Sfera.az-a açıqlamasında iqtisadçı-ekspert Akif Nəsirli Azərbaycanda işsizlər üçün yaradılacaq vakansiya bankı haqda danışarkən deyib.
Onun sözlərinə görə, sosial proqramlar ehtiyacı olan insanlar üçün bu cür proqramların reallaşdırılması labüddür:
"Yaradılacaq bu bankda ayrılan kapitaldan cari ehtiyacların istifadəsi üçün deyil, yalnız iş planları üçün istifadə edilməli və buna ciddi nəzarət olmalıdır".
Qeyd edək ki, yenidən hazırlanmış "Məşğulluq haqqında” qanun layihəsinin 7-ci maddəsində (Vakansiya bankının yaradılması) əks olunub.
Maddəyə görə, vakansiya bankı elektron informasiya sistemində işəgötürənlərin yeni yaradılan iş yerləri və vakansiyalar barədə həmin sistemə daxil etdikləri məlumatlar əsasında müvafiq icra hakimiyyəti orqanı tərəfindən yaradılır.
Nigar Məhərrəm
Sfera.az
