Salah Ronaldonun rekordunu təkrarladı
![Salah Ronaldonun rekordunu təkrarladı](https://sfera.az/photo/orginal/2018/04/01/387377.jpg)
İdman
09:10 / 01.04.2018
7803
"Liverpul”un misirli hücumçusu Məhəmməd Salah İngiltərə çempionatında bir mövsüm ərzində qol vurduğu oyunların sayına görə portuqaliyalı Kriştianu Ronaldunun və niderlandlı Robin van Persinin rekordunu təkrarlayıb.
Martın 31-də İngiltərə çempionatının 32-ci turunda "Liverpul” səfərdə "Kristal Pelas” klubuna 2:1 hesabı ilə qalib gəlib. Salah həmin oyunun 84-cü dəqiqəsində qələbə qolunu vurub. Nəticədə "Liverpul” 66 xal toplayaraq turnir cədvəlində ikinci yerə yüksəlib. Hazırda iki oyun artıq keçirən "Liverpul” ilk mövqedə qərarlaşan "Mançester Siti” klubundan 15 xal geri qalır.
Bu qarşılaşma hazırkı mövsümdə Salahın qol vurduğu 21-ci oyundur və misirli futbolçu bu göstəriciyə görə "Mançester Yunayted”in sabiq hücumçuları Ronaldo və Van Persinin uğurunu təkrar edib.
Qeyd edək ki, Məhəmməd Salahın çıxış etdiyi Misir yığması 2018-ci ildə Rusiyada keçiriləcək futbol üzrə dünya çempionatında Uruqvay, Səudiyyə Ərəbistanı və Rusiya ilə birgə A qrupunda mübarizə aparacaq.
publika.az