“Whatsapp”da daha bir təşviş dolu səs yayıldı: Dənizçilərə xəbərdarlıq edildi - VİDEO
Hadisə
23:42 / 29.03.2018
4032
"Watsapp” xidmətində sabahdan havanın kəskin dəyişəcəyi ilə bağlı səs yazısı yayılıb.
Sfera.az məlumatına görə, səs yazısında dənizçi təhlükəli hidrometeoroloji hadisə haqqında xəbərdarlıq edib.
"Martın 30-dan 31-i günün ikinci yarısına qədər şimal-qərb, şimal küləyinin sürətinin saniyədə 19-24, arabir 28-30 metrə qədər güclənəcəyi gözlənilir. Açıq dənizdə küləyin sürəti arabir 35-38 metr olacaq. Dalğanın hündürlüyü 2,5-4,5 metr, sonrakı iki həftə 5,0-8,0 metr və daha da çox olacaq”, - deyə məlumatda bildirilir.
Bu məqamda qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, martın 30-dan 31-i gündüzədək Abşeron yarımadasında havanın ötən günlə müqayisədə təzadlı dəyişəcəyi, atmosfer təzyiqinin xeyli yüksəlməsi fonunda güclü xəzri küləyinin əsəcəyi və temperaturun 5-10 dərəcə aşağı enəcəyi gözlənilir.
