Qızıl ən uğurlu günlərini yaşayır - Gəlir əldə etmək üçün hansı addımları atmalıyıq?
11:57 / 28.03.2018
4365
Dünya bazarında qızıl bahalaşıb, neft isə ucuzlaşıb.
Amerika fond bazarında "Dow Jones" indeksi 1,43% - 23 857,71 bəndədək, "S&P 500" 1,73% - 2 612,62 bəndədək, NASDAQ isə 2,93% - 7 008,81 bəndədək ucuzlaşıb.
Avropa fond bazarlarında "FTSE 100" indeksi 1,62% - 7 000,14 bəndədək, Almaniya DAX-ı 1,56% - 11 970,83 bəndədək, Fransa CAC-40-ı 0,98% - 5 115,74 bəndədək bahalaşıb.
ICE London qitələrarası birjasında Brent markalı neftin 1 barelinin dəyəri isə 0,41 dollar və ya 0,58% ucuzlaşaraq 69,70 dollar təşkil edib.
Maraqlıdır, bu iki amil ölkə iqtisadiyyatına necə təsir edəcək.
Sfera.az-a açıqlama verən iqtisadçı-ekspert Akif Nəsirli bildirib ki, qızılın bahalaşması Azərbaycan iqtisadiyyatına o qədər də təsir etməyəcək:
"Azərbaycanın o qədərə də qızıl ehtiyatı olmadığı üçün bahalaşma ölkə iqtisadiyyatına elə bir divident qazandırmayacaq. Bu bahalaşmadan istifadə edib qızıl ehtiyatlarımızı satıb, yaxud da girov qoymaqla gəlir əldə etmək mümkünsüzdür. Lakin neftin ucuzlaşması ölkə iqtisadiyyatına təsirsiz ötüşməyəcək. Çünki ölkəmizin iqtisadiyyatının əsas hissəsi neftdən gələn gəlirlər hesabına formalaşır. Azərbaycan dövlət büdcəsinin yarıdan çoxu neft gəlirləri hesabına formalaşır”.
İqtisadçının sözlərinə görə, neftin uzun müddətli dəyərdən düşməsi istehlak bazarına təsir edə bilər.
Nigar
Sfera.az
