Göyərti ilə bağlı alimlərdən yeni İDDİA
Sağlıq
19:48 / 27.03.2018
5060
Yaşıl tərəvəzlər yaddaş və digər koqnitiv funksiyaları saxlamağa kömək edərək beyin qocalması prosesini ləngidir. ABŞ-dakı Raş Universitetinin tibb mərkəzi mütəxəssislərinin gəldiyi qənaət belədir.
Sfera.az "Phys.org” saytına istinadla xəbər verir ki, tədqiqatda orta yaşı 81 olan 960 nəfər yaşlı insan arasında onların nə ilə qidalanmaları barədə sorğu keçirilib. Könüllülər hər il koqnitiv qabiliyyətləri - diqqət, yaddaş və təfəkkürü yoxlayan testləri yerinə yetiriblər. Alimlər tədqiqatda iştirak edən könüllüləri tərəvəzlərlə qidalanmaya görə beş qrupa bölüblər və hər gün 1,3 pay göyərti yeyənlərlə ən az göyərti yeyənləri müqayisə ediblər.
Bütövlükdə hər il bütün iştirakçıların zehni qabiliyyəti 0,08 standart vahidə enirdi. Ancaq hər gün çox göyərti yeyənlərdə beyin qocalması əlamətləri daha az olub. Tədqiqatın yekunlarına görə, onlar heç tərəvəz yeməyənlərdən 11 il daha cavan qalıblar.
