Quru əncir öldürə bilər!
Sağlıq
22:02 / 21.03.2018
4141
Türkiyənin tanınmış professorlarından olan Canan Karatay sağlamlıq üçün faydalı hesab edilən qurudulmuş əncir ilə bağlı xəbərdarlıq edib.
Sfera.az xəbər verir ki, Canan Karatay quru əncir hesab edildiyi qədər faydalı olmadığını bildirib. Onun sözlərinə görə, həddən artıq əncir qurusu yemək ölümlə nəticələnə bilər:
"Qurudulmuş əncirin tərkibində bol miqdarda fruktoza var. Bu çərəz insanı kökəldir. Tərkibindəki şəkər üzündən insülin səviyyəsi yüksəlir. Bu çərəzin ehtiva etdiyi fruktoza qaraciyəri yağlandırır, həmçinin, qalxanabənzər vəzin və mədəaltı vəzin funksiyasının pozulmasına da səbəb olur. Bütün bunlar isə immunitet sistemini zəiflədir. Ona görə də, həftədə 4-5 ədəddən artıq əncir qurusu yemək məsləhət deyil. Təzə əncir isə daha təhlükəsizdir”.
Lalə Nəsirova
