Azərbaycanda ətin qiyməti endi - VİDEO
İqtisadiyyat
22:11 / 14.03.2018
2228
Bəzi mağazalarda novruz bayramı münasibəti ilə ətin qiyməti endirilib. Ətin hər kiloqramında 1 manat- 1 manat 50 qəpik endirim var. Satıcılar bildirirlər ki, qiymət dəyişikliyindən sonra alıcılar da bir neçə dəfə artıb.
Sfera.az "Xəzər TV"yə istinadən xəbər verir ki, paytaxtdakı bəzi mağazalarda ətin qiyməti endirilib. Dana əti müştərilərə 9 manat 50 qəpiyə, quzu əti isə 12 manata təklif olunur.
Satıcılar deyirlər ki, ətin qiymətini Novruz bayramı münasibəti ilə aşağı salıblar. Dana ətində 1 manat, quzu ətində isə 1 manat, 1 manat 50 qəpik fərq var.
Satıcıların sözlərinə görə, heyvanların bəzilərini rayonlarda özləri yetişdirirlər. Dükan icarə olmadığı üçün bəzi hallarda əti alış qiymətinə satmaq da onları ziyana salmır. Qiymət endiriləndən sonra alıcıların sayı da bir neçə dəfə artıb.
Ətin qiymətində endirimin edilməsi alıcıların da ürəyincədir.
Satıcılar əti bayramdan sonra da xeyli müddət bu qiymətə satacaqlarını bildiriblər.
