Hotellərdə qiymətlər \"od tutub yanır\" - Novruz tətili harada ucuz başa gələr?
17:20 / 14.03.2018
3031
Bu gün Azərbaycanda yalnız varlı təbəqə müxtəlif günlərdə, xüsusən də bayram ərəfəsində istirahət etmək üçün hotellərə üz tutur.
Təbii ki, buna səbəb qiymətlərin yüksək olmasıdır. Əhalinin orta təbəqəsi dincəlmək üçün daha münasib yerlərə üz tuturlar. Hotellərin qiyməti o qədər yüksəkdir ki, hətta xaricdə tətil etməyin daha ucuza başa gəldiyini düşünən vətəndaşlar da var. Bahalılıq ölkəyə gələn turist sayına da təsir edir.
Bəs Novruz ərəfəsində hotellərdə qiymətlər necə olacaq?
Sfera.az şəhərdəki bir neçə məşhur hotelin 1 gecəlik qiymətlərini araşdırıb:
"Hilton” hotelində 2 nəfərlik otağın bir gecəlik qiyməti 445 manat 10 qəpikdir. Bura səhər yeməyi və ƏDV də daxildir.
"JW Marriot Absheron” hotelində bir həftəlik qiymətlər 3 min 511 manat 74 qəpikdir. Bu qiymətə səhər yeməyi də daxildir. Səhər yeməyi istisna olmaqla isə qiymət 2 min 983 manat 10 qəpikdir. 1 günlük qiymət isə 426 manatdır. Səhər yeməyi daxil olmaqla 2 nəfərin bir gecə qalmasının qiyməti isə 501 manatdır.
"Park İnn” hotelində isə bir gecəlik qiymət 323 manatdır. Bura səhər yeməyi də daxildir. Səhər yeməyi daxil olmadan isə 1 gecəlik qiymət 264 manat təşkil edir.
Nigar Məhərrəm
Sfera.az
