\"Kim gəlir-gəlsin, Türkiyə...\" - Binəli Yıldırımdan ABŞ açıqlaması
12:45 / 14.03.2018
2509
Türkiyənin baş naziri Binəli Yıldırım Bakıya yola düşmədən öncə jurnalistlərin suallarını cavablandırıb.
Sfera.az "Hürriyet"ə istinadən bildirir ki, baş nazir ABŞ-ın dövlət katibi Reks Tillersonun vəzifəsindən uzaqlaşdırılmasına münasibət bildirib.
O, bu vəzifədə kimin olmağından asılı olmayaraq, ABŞ-Türkiyə münasibətlərinin eyni qalacağını açıqlayıb:
"ABŞ prezidentinin verdiyi qərarı bizim müzakirə etməyimiz gərəksizdir. Türkiyə-ABŞ əlaqələri şəxslərə bağlı deyil. Kim gəlir-gəlsin, Türkiyənin mövqeyi bəllidir".
Qeyd edək ki, martın 14-dən 19-dək Bakıda VI illik Qlobal forum keçiriləcək. Binəli Yıldırım Türkiyənin xarici işlər naziri Mövlud Çavuşoğlu ilə birgə həmin forumda iştirak edəcək.
Lalə Nəsirova