Senator: “ABŞ Şimali Koreya ilə müharibəyə hazır olmalıdır”
Dünya
16:12 / 13.03.2018
3303
"Şimali Koreya atom arsenalından imtina etmək niyyətində deyil. Ona görə onlara etibar etmək olmaz".
Sfera.az xəbər verir ki, bu sözləri "The Washington Examiner” nəşrinə republikaçı-senator Tom Kotton deyib.
Donald Trampın Kim Çen İnlə görüşə hazır olduğunu deməsindən təəcüblənən senator əlavə edib ki, ABŞ daha aktiv addımlar atmalı, lazım gəlsə, Şimali Koreya ilə müharibəyə hazırlaşmalıdır.
O hesab edir ki, Pxenyana qarşı diplomatik və iqtisadi təzyiqlər davam etməlidir. Ancaq müharibə variantı istisna edilməməlidir.
Senator Çinin yardımına da şübhə edir:
"Çin uzun illərdir deyir ki, Koreya yarmadasının atom silahından təmizlənməsini istəyir. Ancaq onlar bizə yalan danışırlar. Görünür bunda maraqlı deyillər”.
Kotton deyib ki, son 3 ABŞ administrasiyasının səyləri nəticə verməyib:
"İndi Kim Çen İn danışıqlar masasına oturmaq istəyir. Olsun. Ancaq Biz həm Şimali Koreya, həm də Çinə göstərməliyik ki, konkret addım ata bilərik, müharibəyə hazırıq.”
İlqar
