Sərhədi pozan 5 nəfər saxlanıldı
Hadisə
11:27 / 10.03.2018
2931
Martın 8-i və 9-da Azərbaycanda sərhədini pozmağa cəhd edən 5 nəfər saxlanılıb.
Sfera.az Dövlət Sərhəd Xidmətinə istinadən xəbər verir ki, 4 nəfər əcnəbi və 1 nəfər Azərbaycan vətəndaşı tərəfindən dövlət sərhədinin pozulmasının qarşısı alınıb.
Belə ki, martın 8-də Göytəpə sərhəd dəstəsinin xidməti ərazisində Azərbaycandan İran istiqamətində dövlət sərhədini pozmağa cəhd göstərən 3 nəfər Şri-Lanka vətəndaşı - 1988-ci il təvəllüdlü Sinnaiyappilai Dadees, 1982-ci il təvəllüdlü Sinnaiyappilai Jagatheesan, 1995-ci il təvəllüdlü Jeevathasan Ashuimi sərhəd pozucusu qismində saxlanılıb.
Həmin gün Şəmkir sərhəd dəstəsinin xidməti ərazisində Gürcüstandan Azərbaycan istiqamətində dövlət sərhədini pozmuş 1999-cu il təvəllüdlü Bukavadze Sara Rövşən qızı sərhəd pozucusu qismində saxlanılıb.
Martın 9-da isə Naxçıvan əlahiddə sərhəd diviziyasının xidməti ərazisində Azərbaycandan İran istiqamətində dövlət sərhədini pozmağa cəhd göstərən 1 Özbəkistan vətəndaşı – 1989-cu il təvəllüdlü Yerjaşeva Mavhudxov Qafurovna sərhəd pozucusu qismində saxlanılıb.
Qeyd olunan faktlar üzrə zəruri əməliyyat-istintaq tədbirləri davam etdirilir.
