Ərdoğandan ABŞ-ın sanksiya təhdidinə CAVAB
Dünya
14:27 / 06.03.2018
2291
Türkiyə prezidenti Rəcəb Tayyib Ərdoğan bu gün AKP-nin (Ədalət və İnkişaf Partiyasının) qrup toplantısında ABŞ-ın sanksiya təhdidlərinə münasibət bildirib.
Sfera.az "NTV"-yə istinadən bildirir ki, prezident ABŞ-ın Suriya addımlarının səhv olduğunu deyib, həmçinin ənənəvi sanksiya təhdidlərinin Türkiyə üçün heç nə ifadə etmədiyini bildirib:
"ABŞ-ın Suriyada seçimi səhv olmasaydı, bu gün reallıq fərqli ola bilərdi. Türkiyənin terror təşkilatları ilə mübarizəsini, S-400 almasını tənqid edənlər özlərinə baxsınlar. Yunanıstanın S-300-ləri var, Rusiyadan alıb. Buna səs çıxaran yoxdur. Ancaq Türkiyənin Rusiyadan S-400 alması ABŞ-ı narahat edir. Ölkəmizə sanksiya tətbiq edə biləcəklərini bəyan edirlər. Bu, ənənəvi və yanlış yanaşmadır. Türkiyə üçün keçərli deyil”.
Ərdoğan Avropaya qarşı da sərt tənqidlər səsləndirib. O, Avropanın vədlərinə əməl etmədiyini deyib:
"Avropa vədlərinə əməl etsəydi, bu gün Türkiyə Avropa İttifaqının üzvü kimi öz yerini tutmuş olardı".
Lalə Nəsirova
