6 nəfərlik qaçqın ailəsi zirzəmidə boğulub öldü, 3-ü azyaşlıdır - YENİLƏNİB
Hadisə
11:37 / 05.03.2018
2465
Sumqayıtda qaldıqları zirzəmidə boğulub ölənlər kişi, həyat yoldaşı, qızı və nəvələridir. Sumqayıt Şəhər Prokurorluğu verilən məlumata görə, həlak olan şəxslər bunlardır:
1961-ci il təvəllüdlü Rafiq Hüseynov
1965-ci il təvəllüdlü Yeganə Hüseynova
1987-ci il təvəllüdlü Sara Rafiq qızı Hüseynova
2009-cu il təvəllüdlü Fərid Qüdrət oğlu Abbasov
2010-cu il təvəllüdlü Zenfira Qüdrət qızı Abbasova
2012-ci il təvəllüdlü Yeganə Qüdrət qızı Abbasova
/virtualaz.org
***
11:10
Sumqayıtda bir evdə 6 meyit tapılıb.
Sfera.az "Qafqazinfo"ya istinadən bildirir ki, qonşular polisə şikayət edərək bir neçə gündür mənzildən pis qoxunun gəldiyini bildiriblər.
Bundan sonra hüquq-mühafizə orqanları hadisə yerinə gəlib. Sülh küçəsində yerləşən həmin mənzildə 6 nəfərin meyiti aşkar edilib.
Sumqayıt Şəhər Polis İdarəsindən təsdiqləyiblər. Bildirilib ki, hazırda işlə bağlı şəhər prokurorluğunda araşdırma aparılır.
Sumqayıt şəhər prokurorunun böyük köməkçisi Pərviz Əliyev sayta açıqlamasında bildirib ki, həmin şəxslər bir ailənin üzvləri olub: "Faktla bağlı Cinayət Məcəlləsinin 314.3-cü (səhlənkəralıq; ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb. Hazırda istintaq davam etdirilir”.
Məlumata görə, ailə üzvləri dəm qazından zəhərləniblər.
Hadisə şahidlərinin sözlərinə görə, ailə Füzuli rayonundan məcburi köçkün düşüb və bir neçə ildir həmin binada yaşayırmış.
