"Mariya-Salvatruçça” adlı banda hətta ABŞ kimi dövlətin başçısını belə narahat edir, qorxudur. Anqlo-sakslar bu qruplaşmanı qısaca olaraq "MS-13” adlandırır. Hansı ki,  elə Trampın and içmə günündə Los-Anceles küçələrində iki qızı maçete ilə doğrayaraq şəhər əhalisini şoka saldı.

Bəs kimlərdər bu MS-13”?  Harada, necə yaranıb?

Sfera.az yeni dünyanın ən əzazil bandası haqda maraqlı faktları təqdim edir:

"Mariya-Salvatruçça” tərcümədə Salvador qarışqaları deməkdir.

"MS-13” ötən əsrin 80-ci illərində Los-Ancelesdə yaranıb. Həmin vaxt Salvadorda vətəndaş müharibəsi gedirdi.

Amerikaya pənah gətirən salvadorlular burada çoxsaylı Meksika bandalarının və zənci  dəstələrinin təzyiqi ilə üzləşdilər.

Salvadorlulara yerlilər ikinci sort adam kimi baxırdı, təhsilsiz, fiziki cəhətdən zəif.

Ümumi düşmənlərə qarşı birləşən salvadorlular bandalarda birləşdilər. Qəddarlıqda tayları-bərabərləri yox idi. Vətəndaş müharibəsinin bütün dəhşətlərini görən adamlar uçün baş, qol, əl kəsmək adi bir şey idi.

Onların bu xüsusiyyəti rəqiblərini qorxudurdu. "MS-13” üzvləri düşmənlərinin cinsiyyət üzvünü kəsib öz itlərinə yedirtməklə Kaliforniyaya qorxu saldılar.

Bu banda üzvlərnin həyatda 3 yolu var- xəstəxana, həbsxana yaxud məzarlıq.

3 şeyi müqəddəs sayırlar- Allahı, ananı və bandanı.

3 məqsədlə yaşayırlar- bandaya yeni üzvlər cəlb etmək, bandaya dollar qazandırmaq və öldürmək.

"MS-13” ABŞ-da qeyri-leqal miqrasiyadan tutmuş, narkotik satışı, muzdlu qətllər və sairlə məşğul olur.

Bandanın əhatə dairəsi təkcə Kolifornya deyil, əlləri Alyaskaya kimi çatır.

FTB-nin məlumatına görə bandanın 10 min üzvü var. Dəstəyə 7-8 yaşından üzv olmaq olar. Qızlar üçün məhdudiyyət olmasa da bu nadir baş verir.

 

İl ərzində qruplaşma üzvləri 5 minədək cinayət törədirlər. Amerika polisi çoxsaylı qətllərdən bezəndən sonra cinayətkarların çoxu ölkədən deport olundu. Ana vətənlərinə qayıdan banditlər burada da güclü təşkilatlandılar. Onların nüfuzu Salvadorla qonşu olan ölkələrə yayıldı. Əgər hər hansı hakimiyyət maneçilik yaradırdısa, banda həmin ölkəni cəzalandırırdı.

Məsələn, 2004-cü ildə "MS-13” Hondurasda reys avtobusunu saxlayaraq sərnişinləri güllələdi. 28 nəfərin qətli hökumətə mesaj idi - yəni, bizə mane olmayın. Banda Salvadorda o qədər gücləndi ki, real hakimiyyətə alternativ oldu. Öz hakimiyyət strukturu, ordusu var idi. Ölkədə vətəndaş müharibəsi yenə başladı, bu dəfə kriminal banda ilə. Tərəflər bir-birinə rəhm etmirdi.

Salvadorda adicə kriminal mənalı döyməyə görə həbs oluna bilərsiniz. 

Reallıqda ölkə həbsxanaları bandanın nəzarətindədir. Hökumət oranı yalnız çöldən qoruyur.

ABŞ hakimiyyəti "MS-13”-ü "Əl-Qaidə” qədər təhlükəli sayır. FTB bandaya qarşı bütün Latın Amerikası ölkələri ilə əməkdaşlıq edir.