Jirinovski: “Seçilsəm, sərt diktatura quracam”
Dünya
13:15 / 01.03.2018
2387
Rusiya prezidentliyinə namizəd Vladimir Jirinovski yenə qalmaqallı bəyanatla gündəmə gəlib.
Sfera.az rus mətbuatına istinadən xəbər verir ki, LDPR sədri prezident seçildiyi təqdirdə ölkədə sərt diktatura rejimi tətbiq edəcək:
"Güc yolu ilə hər şeyi dəyişəcəm, oliqarxlar cəzalanacaq, xaricdə yatan pulları ölkəyə qaytaracam. Diktatura quracam, demokratik şəraitdə bu işləri görmək mümkün deyil".
"ORT” kanalında teledebata qatılan siyasətçi deyib ki, ölkədə çox güclü iki partiya yaradacaq, hər dəfə seçkidə bu partiyaladan birinin namizədi qalib olacaq.
Qeyd edək ki, Rusiyada prezident seçkisi 18 martda keçiriləcək.
