“Muğanbank”da bir əmanət, iki kart

"MuğanBank” ASC yeni kampaniyaya start verir.

Sfera.az xəbər verir ki,"MuğanBank” ASC-də əmanət yerləşdirən müştərilərə, əmanət məbləğindən asılı olaraq UnionPay Classic, UnionPay Platinum, UnionPay Gold, UnionPay Diamond plastik kartlarından hər hansı biri hədiyyə olunacaq. Qeyd edək ki, müştərilərə, əlavə olaraq, faizləri götürmək üçün Visa Electron plastik kartı da təqdim olunur. Bu kartlarla onlayn alış-veriş etmək, ölkə ərazisində və xarici ölkələrdə müxtəlif ödənişlər aparmaq, eləcə də bir çox elektron bank xidmətlərindən faydalanmaq olar. Plastik kart sahibləri, bank tərəfindən təklif edilən "Card to Card”, "SMS notification”, "Mobilbank”, "İnternet Banking”, "Pin Change”, "Cash By Code” kimi xidmətlərdən də geniş istifadə edə bilərlər.

Kampaniya 22.02.2018 –ci il tarixindən 19.03.2018-ci il tarixinə kimi davam edəcək.

Azərbaycanın maliyyə-bank sektorunun tanınmış qurumlarından biri olan "Muğanbank” ASC 1992-ci ildə fəaliyyətə başlayıb. Hal-hazırda bankın ölkə ərazisində 42 filialı və 9 şöbəsi, müştərilərə hər növ bank məhsulları üzrə keyfiyyətli xidmət göstərir. "Muğanbank” ASC ABŞ Beynəlxalq İnkişaf Agentliyi (USAID), Avropa Yenidənqurma və İnkişaf Bankı (EBRD), Beynəlxalq Maliyyə Korporasiyası (IFC), WorldBusiness Capital, Inc. (WBC), Xarici Özəl İnvestisiyalar Korporasiyası (OPIC), Özəl Sektorun İnkişafı üzrə İslam Korporasiyası (ICD), The Green for Growth Fund, Southeast Europe (GGF), Cənub-şərqi Avropa üzrə Avropa Fondu (EFSE) kimi nüfuzlu beynəlxalq iqtisadi qurumlarla əməkdaşlıq edir.Muğanbankın xidmət və məhsulları haqqında ətraflı məlumat almaq üçün 933 Məlumat Mərkəzinə zəng edə, və ya www.muganbank.az saytına, həmçinin //www.facebook.com/pages/Muganbank/106864156005722?ref=hl facebook səhifəsinə keçid ala bilərsiniz.

Sfera.az