DİN-dən məktəbdəki kütləvi dava ilə bağlı AÇIQLAMA - "Səhv anlaşılıb"
Hadisə
16:53 / 21.02.2018
1057
"Dünən həmin məktəbdə polislərin olmağı Narkomaniya ilə mübarizə və Yol hərəkət qaydaları mövzusu altında keçirilən tədbirlə bağlı olub".
Bunu Daxili İşlər Nazirliyinin mətbuat xidmətinin rəsi müavini Orxan Mansurzadə Xətai rayonunda yerləşən 194 nömrəli məktəbdə kütləvi dava olması xəbəri ilə əlaqədar Sfera.az-a açıqlamasında deyib.
O, bildirib ki, məktəbdə baş verənlər kütləvi dava hadisəsi deyil:
"Heç bir kütləvi dava baş verməyib. Dünən orada Narkomaniya ilə mübarizə və Yol hərəkət qaydaları mövzusu altında tədbir keçirilib. Xətai Rayon Baş Polis idarəsinin rəisi, polis polkovniki Muradəli Babayev də orada iştirak edib. Məktəbdə olan yüksək rütbəli polislərin çoxluğu insanlar tərəfindən səhv anlaşılıb”.
Nihat HÜSEYNZADƏ
