Facebook möhtəşəm yeniliyə başlayır - VİDEO - FOTO
Cəmiyyət
14:20 / 24.10.2015
1527
Dünyanın ən populyar sosial şəbəkəsi Facebook xəbərlər və statuslarda axtarış sistemini istifadəyə verib. Bu funksiya hələlik yalnız ABŞ-dakı fərdi kompüterlərdə, iPhone və Android smartfonlarında işləyir.
Sfera.az Gizmodo-ya istinadən bildirir ki, axtarış gündə 2 trilyondan artıq status və məlumatı əhatə edəcək. Facebook istifadəçiləri dostlarının səhifələri və profilləri ilə yanaşı, bütün yazı və statuslarda axtarış apara biləcəklər.
Axtarış pəncərəsinə mətn yazılarkən Facebook yardımlar da edəcək. Axtarış nəticələri relevantlıq prinsipi ilə sıralanacaq, bu zaman etibarlı mənbələrə üstünlük veriləcək, daha sonra istifadəçinin təqib etdiyi səhifələr, daha sonra populyar sitatlar, axırda isə yerdə qalan statuslar və yazılar göstəriləcək.
Business Insider bildirir ki, yeni funksiya Google-a rəqibdir. Belə ki, yeni, genişləndirilmiş axtarış sayəsində istifadəçi maraqlandığı məsələlərlə bağlı məlumat tapmaq üçün Google-a üz tutmayacaq.
Bundan başqa, yeni funksiya Twitter-in bu yaxınlarda istifadəyə verdiyi, istifadəçilərə ən mühüm tvitləri və hadisələr barədə informasiyaları real vaxtda tapmağa imkan verən "Moments" xəbər servisinin rəqibidir.
Sfera.az
