Pulunuz zədələnib və xərcləyə bilmirsiz? - Bu videoya baxın

Zədələnmiş pulu xərcləmək vətəndaşlar üçün müşkülə çevrilir. Kimdənsə belə pulu götürənlər dəyişmək əvəzinə yenə də diqqət çəkmədən başqasına ötürməyə çalışırlar.

Sfera.az xezerxeber.com-a istinadən xəbər verir ki, qanunvericiliyə görə belə pulların dəyişirilməsi üçün xüsusi qaydalar tətbiq edilir.

Mərkəzi Bank haqqında qanunun xüsusi bəndində deyilir ki, əskinasın səthinin 60 faizdən az olmayan hissəsi zədələnməyibsə pulun tam dəyəri vətəndaşa ödənilməlidir.

Bunun müəyyən etmək üçün hər pula uyğun 200 damadan ibarət cədvəldən istifadə olunur. Zədələnən pul cədvəlin üzərinə qoyulur və mövcud hissəsinin ətrafı qələmlə işarələnir. İşarələnmiş hissəsinin daxilində qalan tam damaların sayı ilə tam olmayan damaların sayının yarısı toplanılır, alınan damaların sayı 120-dən az olmadıqda əskinazın dəyəri tam ödənilir.

Belə əskinazları banklar və onların filialı şəxsiyyət vəsiqəsini təqdim etməklə dəyişdirməlidir.

Sfera.az