Bakı Olimpiya Stadionunda keçiriləcək növbəti futbol matçı müəyyənləşib
05:09 / 28.10.2015
3032
Azərbaycan və Moldovanın futbol üzrə milli komandaları arasında yoldaşlıq görüşü Bakı Olimpiya Stadionunda keçiriləcək. Bu barədə "Report"a stadionun direktoru Cavid Qarayev məlumat verib.Onun sözlərinə görə, noyabrın 17-də təşkil olunacaq qarşılaşmanın başlama saatı hələ müəyyənləşməyib.Qeyd edək ki, bu, Bakı Olimpiya Stadionunda keçiriləcək ikinci futbol matçı olacaq. 69 min tamaşaçı tutumuna malik arenada ilk qarşılaşma oktyabrın 10-da Azərbaycan və İtaliya milliləri arasında AVRO-2016-nın seçmə qrup matçına təsadüf edib. Həmin görüşdə qonaqlar qalib gəlib - 3:1.
