Suriyanın şimalındaki Afrin bölgəsində “Zeytun budağı” əməliyyatı çərçivəsində daha 2 terrorçu ələ keçirilib.
![Suriyanın şimalındaki Afrin bölgəsində “Zeytun budağı” əməliyyatı çərçivəsində daha 2 terrorçu ələ keçirilib.](https://sfera.az/photo/orginal/2018/02/01/379209.jpg)
Dünya
01:22 / 01.02.2018
2182
Sfera.az xəbər verir ki, bu barədə Türkiyə Silahlı Qüvvətləri (TSQ) məlumat yayıb. Bildirilib ki, 2 YPG terror təşkilatının silahlısı Türkiyə ordusu tərəfindən yaxalanıb. Saxlanılan şəxslərin fotoları yayılıb.
![](/file/articles/2018/02/01/379207.jpg)
![](/file/articles/2018/02/01/379208.jpg)
![](/file/articles/2018/02/01/379209.jpg)
TSQ əlavə edib ki, bu günə kimi ümumilikdə 712 kürd terrorçusu öldürülüb.
Qeyd edək ki, yanvarın 20-dən Türkiyə Afrində "Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.
Əməliyyata ilk öncə Türkiyə Hərbi Hava Qüvvələrinin 72 ədəd " F-16” təyyarəsi cəlb edilib. Türkiyə hərbçiləri "Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.
"Ölkə.Az”
![](/file/articles/2018/02/01/379207.jpg)
![](/file/articles/2018/02/01/379208.jpg)
![](/file/articles/2018/02/01/379209.jpg)