Sfera.az oxu.az-a istinadən xəbər verir ki, hadisə şəhərin Krasnoarmeysk rayonunda qeydə alınıb.

Münaqişə saat 19:05 radələrində "Russkiy çay” kafesinin yaxınlığında baş verib. 

İlkin məlumata əsasən, bir qrup qafqazlı qara rəngli avtomobildə binanın həyətində dayanan dörd nəfərə – rus, çeçen və iki azərbaycanlı – yaxınlaşıb. Tərəflər arasında dava zamanı odlu silah və bıçaqdan istifadə olunub. Nəticədə 1993-cü il təvəllüdlü gənc atışma zamanı ölüb. Daha üç nəfər isə ağır vəziyyətdə xəstəxanaya çatdırılıb.

Hücum edən şəxslər hadisə yerindən qara rəngli "Toyota Land Сruiser” markalı avtomobildə qaçıblar. KİV-in məlumatına görə, sonradan onlar Petrov adına zavodun yaxınlığında hüquq-mühafizə orqanlarının əməkdaşları tərəfindən saxlanılıblar.

Hadisə yeri polis tərəfindən mühasirəyə alınıb. İnsidentin təfərrüatları araşdırılır.

Faktla bağlı cinayət işi açılıb.