Türkiyə Ermənistanla sərhədə xüsusi təyinatlıları cəlb etdi
![Türkiyə Ermənistanla sərhədə xüsusi təyinatlıları cəlb etdi](https://sfera.az/photo/orginal/2017/11/29/374496.jpg)
18:23 / 29.11.2017
2494
Türkiyə Ermənistanla sərhəddə geniş antiterror əməliyyatlarına başlayıb.
Sfera.az "Report"a istinadən xəbər verir ki, sərhəddə yerləşən Ağrı əyalətinin Doğubayazıt rayonunun Tendürək dağı ətəklərində keçirilən əməliyyata bombardmançı helikopterlər, ağır texnika və xüsusi təyinatlılar cəlb edilib.
Əməliyyat zamanı terrorçu PKK qruplaşmasına aid mağara və yeraltı sığınacaqlar bombalanıb. Bölgədə terrorçuların aşkarlanıb məhv edilməsi tədbirləri davam edir.
Ağrı əyaləti Jandarm Komandanlığından bildirilib ki, əməliyyat qış mövsümü ərzində Ağrı və Tendürek dağları ilə yanaşı, bütün bölgədə fasiləsiz olaraq aparılacaq.
Qeyd edək ki, bir müddət əvvəl terrorçu PKK qruplaşması silahlılarının Ağrı əyaləti ərazisindən Ermənistana, oradan isə Azərbaycanın işğal altında olan Dağlıq Qarabağ bölgəsinə keçdikləri haqda məlumat yayılmışdı.
Sfera.az