Biləsuvarda dəhşətli qəza: 4 ölü
10:53 / 20.09.2017
1311
Fövqəladə Hallar Nazirliyi Biləsuvar rayonu ərazisində 4 nəfərin ölümü ilə nəticələnən qəza haqda məlumat yayıb.
Sfera.az xəbər verir ki, məlumatda Ələt-Astara magistral avtomobil yolunun Biləsuvar rayonu ərazisindən keçən hissəsində KAMAZ markalı yük avtomobili və "Mersedes” markalı minik avtomobilinin toqquşduğu bildirilir. Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürən-xilasediciləri dərhal hadisə yerinə cəlb olunaraq, sıxılmış vəziyyətdə qalmış 4 nəfərin cəsədini "Mersedes” markalı minik avtomobilindən çıxarıblar.
Əməliyyat saat 07:56-da başa çatmışdır.
Report ölənlərdən ikisinin adını dəqiqləşdirə bilib. Bunlar Lənkəran sakinləri Qasımov Samir Əzizulla oğlu və Nağıyev Çingiz Xudaverdi oğludur.
Sfera.az
