FES bu il faiz artımına mütləq gedəcək: Dolların dünyada güclənməsinə starat veriləcək - Ekspertdən İDDİA

"FES toplantısı bu ay gerçəkləşəcək, həmin toplantıda həm faizlə, həm də FES-in likvidliyin azadılması ilə bağlı qərarlar, ya da mesajlar mütləq olacaq”.

Bu sözləri Sfera.az-a açıqlamasında iqtisadçı ekspert Natiq Cəfərli deyib.

Ekspertin sözlərinə görə, FES toplantısından çıxan qərarlar və rəsmi açıqlamanın tonundan, vurğularından asılı olaraq, dolların dünya bazarlarında yeri müəyyən olunacaq:

"FES bu il faiz artımına mütləq gedəcək, belə olan halda dolların son 2 ayda dünyada dəyər itirməsi dayanacaq, tam tərsi, güclənməsinə starat veriləcək. İndi dünyada dollar indeksi 91 punkta qədər geriləyib, çox güman ilin sonuna yenidən dollar indeksini 95 punkdan yuxarılarda görəcəyik”.

Qeyd edək ki, FES-in Dallas üzrə rəhbəri Robert Kaplan faiz artımı məsələsində səbirli olmağın vacibliyini bildirib. O, faiz artımını dəstəklədiyini, lakin bunun inflyasiya səviyyəsinin necə dəyişəcəyindən asılı olacağını deyib.

Azər Salam

Sfera.az