Albaniyada yaşayan azərbaycanlı modelin hobbisi əksəriyyətin qanını dondurur.

Sfera.az publika.az-a istinadən xəbər verir ki, Albaniyada çalışan azərbaycanlı model Azər Həsənov hündürlük həvəskarıdır. O, ekstremal əyləncəni həyatının əvəzolunmaz hissəsi hesab edir. Sonuncu dəfə Fransanın rəmzi sayılan Eyfel qülləsinin başında görüntülənən model bunu bir erməni ilə mərcləşdiyi üçün reallaşdırıb:
 
"Fransada idim. Komandamızda erməni də var idi. Azərbaycanlıları qorxaq adlandırdığı üçün onunla mübahisəmiz düşdü. Təklif etdim ki, gəl heç bir ehtiyat tədbiri görmədən Eyfel qülləsinə dırmaşaraq orada gəzişək. Özünü sındırmamaq üçün mənimlə razılaşdı. Qüllənin hündürlüyü 300 metrdən çoxdur. Çıxdı, amma sonadək gedə bilmədi. Yanında olmasaydım, yıxılacaqdı. Həmin anın fotosu da var. Əlimdən tutaraq sallanmış vəziyyətdə qalıb. Ona və komandamıza sübut etdim ki, azərbaycanlılar qorxaq deyillər".
 
Həmyerlimiz bundan başqa, Dubayda 600 metrlik "Burc" qülləsinə, Pekin şəhərində 405 metrlik "Teleqüllə"yə də çıxıb. O, Moskva və Almaniyada da belə macəralarının olduğunu deyib.
 
Qeyd edək ki, Azər Həsənov modelliklə yanaşı, boksla da məşğul olur.