Banklarda hesabların açılması qaydaları dəyişir
20:27 / 17.08.2017
1261
Maliyyə Bazarlarına Nəzarət Palatası (MBNP) "Banklarda hesabların açılması, aparılması və bağlanması Qaydaları”nın yeni layihəsini hazırlayıb.
Sfera.az xəbər verir ki, Azərbaycan Banklar Assosiasiyasından (ABA) BBN.az-a verilən məlumata əsasən, layihədə bank hesablarının açılması və rəsmiləşdirilməsi prosedurlarına və hesablara, eləcə də hesablar üzrə aparılan əməliyyatlara davamlı nəzarət qaydalarına dəyişikliklər edilməsi nəzərdə tutulub. Həmçinin Qaydalara yeni anlayışlar da daxil edilib.
Qeyd edilməlidir ki, layihədə hesabın açılması üçün tələb olunan sənədlərdə ciddi dəyişiklik nəzərdə tutulmayıb.
Qaydaların yenilənmiş layihəsi banklar tərəfindən nəzərdən keçirilməsi üçün ABA-ya ünvanlanıb. Layihə ilə bağlı təkliflər hazırlandıqdan sonra ABA tərəfindən MBNP-na təqdim edilməsi planlaşdırılır.
