Futbolda qəribə hadisə: Penalti “yoxa çıxdı” - Video
![Futbolda qəribə hadisə: Penalti “yoxa çıxdı” - Video](https://sfera.az/photo/orginal/2017/08/11/364436.jpg)
İdman
15:43 / 11.08.2017
1848
Futbol üzrə Ukrayna çempionatının II Divizionunda qəribə hadisə baş verib.
Sfera.az-ın Report-a istinadən məlumatına görə, V tur çərçivəsində keçirilən "Enerqiya” - "Mir” görüşünün 82-ci dəqiqəsində baş hakim Pavel Salnikov qonaqların qapısına penalti təyin edib.
Meydan sahiblərinin kapitanı Roman Boçak 11 metrlik zərbəni dəqiq yerinə yetirib və hesabı bərabərləşdirib – 3:3. Lakin referi yan xətt hakimi ilə məsləhətləşdikdən sonra qolu saymayıb və "Mir”in lehinə sərbəst zərbə qərarı verib.
Yerli mətbuat olayı "penaltinin sirli şəkildə yoxa çıxması” adlandırıb.
Qeyd edək ki, oyun "Mir”in 3:2 hesablı qələbəsi ilə yekunlaşıb.