Avstraliya bir İŞİD terrorçusunun Türkiyədən göndərdiyi partlayıcılarla sərnişin təyyarəsinə planlaşdırılan hücumun qarşısının alındığını açıqlayıb.

Bu barədə Avstraliya Federal Təhlükəsizlik Xidmətinin əməkdaşı Maykl Felan mətbuat konfransında deyib.

O, Sidney şəhərində keçirilən əməliyyatlarda həbs olunmuş iki qardaşın Türkiyədə olan İŞİD üzvünün göndərdiyi partlayıcılarla BƏƏ-yə məxsus sərnişin təyyarəsinə hücum təşkil etmək istədiyini, Avstraliya təhlükəsizlik qüvvələrinin hücumun qarşısını aldığını bildirib.

O, həmçinin ölkədə yeni bir terakt cəhdinin gözlənilən olduğunu vurğulayıb.

Qeyd edək ki, iyulun 30-da Avstraliya baş naziri Malkolm Ternbull Sidneydə sərnişin təyyarəsini partlatmaq istəyən dörd nəfərin saxlanıldığını bildirmişdi.