Bakı metrosunda cinayətkar tutuldu

Bakı metrosunda cibgir tutulub.

Sfera.az DİN-ə istinadən xəbər verir ki, Bakı şəhər sakini Samir Mustafayev iyulun 29-da Bakı Şəhər Baş Polis İdarəsinin Metropolitendə Polis Şöbəsinə ərizə ilə müraciət edərək bildirib ki, iyulun 28-də saat 15:30 radələrində metronun "Əhmədli" stansiyasında qızı, 14 yaşlı Nəzrinin əl çantasından dəyəri 340 manat olan "Hoffman" markalı mobil telefon naməlum şəxs tərəfindən oğurlanıb.

Keçirilən əməliyyat-axtarış tədbirləri nəticəsində hadisəni törətməkdə şübhəli bilinən əvvəllər CM-nin müxtəlif maddələri ilə məhkum olunan Elman Əliyev saxlanılaraq istintaq orqanlarına təhvil verilib.

E.Əliyevin digər analoji cinayətlərdə iştirak etdiyi də istisna edilmir. Həmin şəxsin əməllərindən zərərçəkən varsa, bu barədə Metropolitendə Polis Şöbəsinə (012-490-02-42) müraciət edə bilər.