"Müharibə hər an başlaya bilər..." - Ekspertdən İrəvana sərt mesaj

Bunu Sfera.az-a açıqlamasında hərbi ekspert Üzeyir Cəfərov deyib.

 

 

"Biz öz yolumuz, öz planlarımız var. Biz ölkəmizin müdafiəsi və təhlükəsizliyi üçün bundan sonra da nə lazımdırsa edəcəyik. Elə Rusiya Federasiyasından bir müddət bundan öncə imzalanmış müqavilə çərçivəsində alınmış artilleri ya raket qoşunlarımız üçün yeni mərmi və sursatlar Bakıya çatar-çatmaz düşmən yenə panikadadır. Az qala özlərinin yaxalarını dağıdırlar ki, bu silahlar onlara acı nəticələr yaşada bilər. Guya biz Ermənistandan və ona havadarlıq edənlərdən nə vaxtsa gizlətmişik ki, aldığımız silah və sursat sırf Qarabağ savaşı üşün alınır və məqsədimiz də ərazi bütövlüyümüzü və suverenliyimizi bərpa etməkdir. Nə qədər ki, torpaqlarımız işğaldadır və düşmən bu məkrli siyasətindən əl çəkmir, sözsüz ki, biz də lazım olan nədirsə onu edir və edəcəyik. Müharibəyə hazırlıq zatən 1994-cü ildən başlıyıb və bu illər ərzində biz kifayət qədər həm döyüş təcrübəsi toplamışıq, həm də qoşunlarımızı praktiki cəhətdən hazırlamışıq. Müharibə hər an başlaya bilər və bu qərar da dünyanın hansısa nöqtəsində deyil, məhz Bakıda veriləcək. Bu mütləq olacaq və sadəcə zaman məsələsidir ki, buna  da  bir azca səbr etməmiz gərəkdir. Danışıqlar prosesi sonsuzluğa qədər davam edə bilməz".