Mark ABŞ-da şəhərcik tikir

Feysbuk sosial şəbəkəsinin yaradıcısı Mark Zukerberq şirkətin Kaliforniya ştatının filialı ətrafında 1500 mənzildən ibarət şəhərcik quracaqlarını açıqlayıb.

Şəhərcikdə evlərlə yanaşı, iş yerləri və ofislərin olacağını deyən Zukerberq işçilərin rahatlığı və xərclərin azalması üçün belə bir addım atdıqlarını bildirib.

O, həmçinin, şəhərciyin tikintisinin 2 ilə tamamlanacağını və evlərin yalnız Feysbuk işçilərinə deyil, digər vətəndaşlara da satılacağını açıqlayıb.