Rusiya Avropa Şurasına üzvlük haqqını ödəməkdən imtina edib. 

Sfera.az Rusiya mediasına istinadən xəbər verir ki, buna səbəb Avropa Birliyinin Rusiyaya qarşı sanksiya qərarının daha 6 ay uzadılmasına qərar verməsi olub.

Rusiya xarici işlər naziri Sergey Lavrovla Avropa Şurasının baş katibi Turbern Yaqlandla bu gün baş tutan telefon danışığında məsələ müzakirə olunub. Rusiya XİN-in yaydığı məlumatda bildirilir ki, Lavrov Avropa İttifaqının sanksiya qərarının uzadılmasına Rusiyanın sərt cavab verəcəyini Yaqlandın diqqətinə çatdırıb:

"Rusiya 2017-ci il üçün nəzərdə tutulan üzvlük haqqını ödəməkdən imtina edib. Avropa Şurasının Rusiya ilə bağlı sanksiyası və Moskvanın qurumdakı səlahiyyətlərini məhdudlaşdıran hallar aradan qaldırılmayacağı günə qədər Moskvanın qərarı dəyişməyəcək".