Beynəlxalq yarışda dava: idmançılar bir-birinin boğazını kəsib
Azərbaycanlı idmançıların da iştirak etdiyi ağırlıqqaldırma üzrə dünya çempionatında dəhşətli hadisə baş verib.
Sfera.az xəbər verir ki, Tiflisdə keçirilən dünya çempionatının ikinci günündə gürcü idmançılar arasında dava düşüb. Adı açıqlanmayan 22 yaşlı gürcü idmançı həmkarlarından birinin boğazını kəsib, daha sonra bıçaqla onun qarın boşluğuna ardıcıl zərbələr endirib. Ümumilikdə 4 nəfəri bıçaqlayan idmançı sonda olay yerindən qaçıb.
Hadisə şahidlərinin saytımıza verdiyi məlumata görə, bıçaqlanan idmançının yaxınları tapançalardan istifadə ediblər. Havaya atılan güllələrdən biri isə qapalı məkanda sıçrayaraq, gəncləri ayırmağa çalışan daha bir şəxsi yaralayıb.
Gürcüstan Daxili İşlər Nazirliyi cinayətdə şübhəli bilinən şəxsin axtarışlarını davam etdirdiyini açıqlayıb.
