Daha bir kəşfiyyat zabiti öldürülüb

Ukraynanın Donetsk vilayətinin Konstantinovka rayonunda polkovnik Yuri Voznıyın maşınına yerləşdirilmiş bomba partlayıb.

"Pravda” qəzeti xəbər verir ki, partlayış nəticəsində polkovnikin öldüyü, 3 kəşfiyyatçının yaralandığı bildirilib.

Yuri Voznıyın Ukrayna hərbi kəşfiyyatının əməkdaşı olduğu deyilir.

Xatırladaq ki, iki gün əvvəl Ukraynanın paytaxtı Kiyevdə polkovnik Maksim Şapoval da maşınına quraşdırılmış bombanın partlaması nəticəsində həlak olub.