Türkiyənin Aksaz hərbi-dəniz bazasında keçirilən təlimdə Azərbaycan Respublikası Hərbi Dəniz Qüvvələrinin 11 qulluqçusu iştirak edib.

Sfera.az xəbər verir ki, bu barədə Türkiyə Dəniz Qüvvələri komandanlığı tərəfindən informasiya yayılıb.

Təlim hərbi birləşmələrə planlama və koordinasiya üçün lazımı məlumatı əldə etməyi öyrətmək üçün nəzərdə tutulub. Burada dənizçilərimizə beynəlxalq təcrübə, məqsədlər, gəmi axtarış üsulları, gəmiyə çıxış, heyət və sərnişin yoxlanışı, sübut toplama, vəziyyətdən təcili çıxış yolları, təhlükəsizliklə bağlı görülməli tədbirlərdən bəhs edilib.