Bu sözləri Sfera.az-a açıqlamasında Azərbaycan və Rusiya prezidentlərinin bu il ərzində gözlənilən görüşləri ilə bağlı danışan millət vəkili Elman Nəsirov söyləyib.

 

 

"Bizi tarix birləşdirir və eyni dövlətin tərkibində olmuşuq. Rusiya Ermənistan-Azərbaycan Dağlıq Qarabağ münqaişəsi ilə bağlı yaranmış Minsk Qrupunun həmsədr dövlətidir. Təbii ki, münaqişənin həllində Rusiyanın Ermənistana çox ciddi təsir imkanları var. Azərbaycan-Rusiya arasında çox möhkəm siyasi dialoq vasitəsi var. Prezidentlər müntəzəm olaraq görüşürlər və belə görüşlərin qarşıda il ərzində baş tutması istisna deyil. Rusiya Azərbaycanın müstəqil xarici siyasət yürütdüyünün fərqindədir. Və buna görə də Azərbaycana hörmətlə yanaşır. Onu da qeyd edim ki, Qərbin Rusiyaya qarşı artmaqda olan sanksiyalarına Azərbaycan qoşulmayıb. Rəsmi Moskva bunu çox yüksək qiymətləndirir. Hətta vəfatından bir müddət öncə böyük geo-politik Zbiqnev Bjezinski müsahibələrinin birində qeyd etmişdi ki, "Rusiya Azərbaycanla münasibətlərin inkişafında hər zaman maraqlıdır və eyni zamanda Rusiya istəyir ki, Azərbaycan onun təşəbbüsü ilə yaradılmış müxtəlif inteqrasiya formatlarında iştirak etsin. Azərbaycan faktoru Rusiya üçün erməni faktorundan qat-qat böyük əhəmiyyət kəsb edir". Azərbaycan regionun lider dövlətidir, çox böyük iqtisadi və hərbi potensialı var. Ən başlıcası da Prezident İlham Əliyev milli maraqlara söykənən siyasət həyata keçirir". 

 

 

"Düşünürəm ki, bu çox mühüm məqamdır. Görüşdə hər hansısa qərar qəbul olunarsa, mütləqdir ki, nazirlər səviyyəsində hazırlıq mərhələsi həyata keçirilsin. Prezidentlərin görüşündə iki ölkə arasında münasibətlərin müzakirə olunması müəyyən mənada müsbət nəticələrin əldə olunmasına səbəb ola bilər".