Şlezviq-Holsteyn vilayətində məhkəmə öz qızını qrup şəklində zorlayan və bu hadisəni onlayn efirə verən atayla bağlı qərar qəbul edib.

Lyubek şəhərinin məhkəməsinin qərarına görə, 29 yaşlı ataya və onun 47 yaşlı dostuna 10 il həbs verilib.

İstintaq materiallarından bəlli olub ki, 2 yaşlı qızcığaz 29 yaşlı kişinin öz övladı olub. Ata dostu ilə birgə qızını zorlayıb və hadisəni kameraya çəkərək internetdə canlı nümayiş etdirib. Videoçəkiliş əsas sübut kimi məhkəmə zalında nümayiş olunub. Bu səbəbdən iclas qapalı şəraitdə keçib. Ən təcrübəli vəkillər belə gördüklərindən dəhşətə gəliblər. Qızın qışqırığını və ağlamasının səsi yayılmasın deyə pedofil musiqiyə yüksək səs verib.

Bunlarla yanaşı qızcığazın orqanizmində alkoqol və sintetik narkotiklərin izi aşkar olunub. İstintaq atanın qızı 9 dəfə, ortağının isə 4 dəfə zorladığını sübut edib.

Hazırda zərərçəkmiş qız anası və nənəsi ilə yaşayır. Vəkil Fransiska Xammerin dediyinə görə, anasının bu hadisədən ümumiyyətlə xəbəri olmayıb: "Pedofil hər dəfəsində bütün evi təmizləyərək, izləri məhv edirdi”, - deyə, o bildirib.

Polisin verdiyi məlumata görə, zorlama hadisəsini strim-kanal vasitəsilə təxminən 50 insan canlı izləyib. Polislər onların kimliyini müəyyən etməyə çalışır.

Qeyd edək ki, canlı efir adi, tanınmamış "çat”da nümayiş olunub.

Publika.az