Kılıçdaroğlu yürüşə başladı – İlk çıxış
CHP lideri Kamal Kılıçdaroğlu millət vəkili Enis Bərbəroğlunun həbs olunmasına görə Ankarada "Ədalət yürüşü” başladıb.
Güvənparka gələn Kılıçdaroğlu çıxışında "Bizə hər şeyi diktə edən bir hökumətlə üz-üzəyik. Bütün azad, sivil ölkələrdə olduğu kimi biz də öz ölkəmizdə sülh içində yaşamaq istəyirik. Artıq bıçaq sümüyə dirənib. Bəsdir daha! Bu ölkə ya ədalətlə idarə olunacaq, ya da ədalətlə idarə olunacaq - başqa yolu yoxdur!” - deyib.
Kılıçdaroğlu Türkiyənin gələcəyi üçün ədalət uğrunda birlikdə mübarizə aparmalı olduqlarını bildirib.
Yürüşün 28 gün davam etməsi və Kılıçdaroğlunun gündə 18 km məsafə qət etməsi gözlənilir.
Qeyd edək ki, CHP millət vəkili Enis Bərbəroğlu "dövlət sirrini casusluq məqsədilə yaymaqda” suçlu bilinərək, 25 il müddətinə azadlıqdan məhrum edilib.
