Ekspert: "Azərbaycanın atacağı addımlar Ermənistana acı nəticələr verəcək" - SENSASİON AÇIQLAMA
16:30 / 15.06.2017
1188
"Demək olar, son vaxtlar elə bir gün, elə bir həftə olmur ki, biz bədnam qonşularımızın hansısa təxribat xarakterli əməli və ya hərəkəti haqqında məlumat almayaq. Elə Ermənistanın hakim Respublika Partiyasının Qarabağda erməni partiyalarının üçüncü forumunu keçirməyə hazırlaşması ilə bağlı xəbər də söylədiklərimin bir növ təsdiqidir".
Bu sözləri Sfera.az-a açıqlamasında hərbi ekspert Üzeyir Cəfərov deyib.
Ekspertin sözlərinə görə, xain qonşularımız bu açıq təxribat xarakteri daşıyan tədbiri elə bir günə təyin ediblər ki, adam bunların olmayan ağıllarına daha da məətəl qalır:
"Bildiyiniz kimi, iyunun 19-da ATƏT-in Minsk qrupunun həmsədrlərinin Bakıya səfəri planlaşdırılıb və böyük ehtimalla ölkəmizin əsəblərini tarıma çəkmək üçün erməni tərəfi növbəti dəfə cəhdlər etməyi düşünür. Halbuki bir neçə gün bundan əvvəl həm İrəvanda, həm də Xankəndində olan həmsədrlərə də məlum idi ki, separatçılar belə bir təxribat həyata keçirməyə hazırlaşırlar. Çox təəssüf, onlar bu hərəkətdən separatçıları və onların havadarları olan İrəvan və Moskva başbilənlərinə izah etmək istəməyiblər ki, belə hərəkətə yol vermək olmaz. İndi forumun hardasa 16-18 iyun aralarında keçiriləcəyi gözlənilir. Prinsip etibarı ilə hansısa qlobal təsirə malik tədbir deyil. Amma o məlum milçək ürəkbulandırma məsələsində olduğu kimi, bədnam qonşularımız çalışırlar ki, yenə gərginlik yaratsınlar və sonda ciddi toqquşmalar baş versin".
Ekspert qeyd edib ki, forumda iştirakdan Ermənistanın sabiq prezidentlərindən biri Levon Ter-Petrosyanın rəhbərlik etdiyi Konqres-ANK bloku imtina etdiyini bildirib:
"Müxalif Ohanyan-Raffi-Oskanyan bloku isə foruma dəvət edilməyib. Hətta belə götürəndə, bu forum çox mənasız və formal xarakter daşıyan bir tədbir təsiri bağışlayır. Məqsəd isə açıq şəkildə Azərbaycanı təxribata sürükləmək və bizim əsəblərimizi yerindən oynatmaqdır. İnanıram ki, ölkəmizin ciddi diplomatik addımları separatçıları bu çirkin əməldən çəkindirməyə məcbur edəcək və onlar geri çəkilməyə məcbur olacaqlar. Əks təqdirdə Azərbaycanın atacağı addımlar həm Ermənistan üçün, həm də bu təxribata yol verən qüvvələr üçün acı nəticələr verə bilər".
Qeyd edək ki, partiyanın sədr müavini Armen Aşotyan jurnalistlərə açıqlamasında partiyanın sədr müavini Armen Aşotyan söyləyib ki, Ermənistanın hakim Respublika Partiyası Qarabağda erməni partiyalarının üçüncü forumunu keçirməyə hazırlaşır. O, forumun 16-18 iyun aralarında keçiriləcəyini bildirib. Aşotyan forumda iştirakdan Levon Ter-Petrosyanın rəhbərlik etdiyi Konqres-ANK blokunun imtina etdiyini bildirib. Müxalif Ohanyan-Raffi-Oskanyan bloku isə foruma dəvət edilməyib.
Qeyd edək ki, Azərbaycanın işğal edilmiş ərazilərində təşkil ediləcək forumda 21 partiya iştirak edəcək. Bunlardan 15-i Ermənistanı, 6-sı isə Qarabağ separatçılarını təmsil edəcək. Forumda həmçinin Ermənistan Prezident Serj Sərkisyan və separatçıların lideri Bako Saakyan da iştirak edəcək.
Gülnarə Eynullaqızı
Sfera.az
