Ermənistanın hakim Respublika Partiyası sədr müavini Armen Aşotyan jurnalistlərə açıqlamasında söyləyib. O, forumun 16-18 iyun aralarında keçiriləcəyini bildirib. Partiya Qarabağda erməni partiyalarının üçüncü forumunu keçirməyə hazırlaşır.

Məsələ ilə bağlı Sfera.az-a münasibət bildirən millət vəkili Fazil Mustafa söyləyib ki, ermənilər bu davranışları ilə hüquq normalarını tanımadıqlarını və hörmətsizlik etdiklərini göstərmək istəyirlər.

 

"Çünki hərbçi ola bilər ki, kimin torpağı gəldi işğal edə bilər. Amma siyasətçi həmişə hüquqa qarşı sayqıyla davranmalıdır. Bir ölkənin hərbçisi böyük adamdır, istənilən vaxt savaşa hazır olmalıdır. Bu bədbəxtlərin siyasətçiləri hüquq anlayışından uzaq olduqlarına görə, hərbçi ritorikası ilə davranmağa başlayırlar. Bu da xalq üçün böyük faciədir. Bunlar hələ öz xalqlarını hara sürüdüklərinin fərqinə varmırlar. Bu gedişlə də öz adlarını bədnam edirlər. Yekun söz: ermənilər Azərbaycan torpaqlarında keçirdikləri tədbirlərin bədəlini ödəyəcəklər". 

 

 

"Ermənistanın bu cür davranışı beynəlxalq hüquqa ziddir. Əslində bu cür işğalçı siyasət sülh prosesinə ciddi zərər verir. Və getdikcə münaqişənin yeni savaş mərhələsinə keçməsinə şərait yaradır. Çünki bu davranışlar Azərbaycanın səbrini tükəndirir. Hansısa məqamda ermənilərə adekvat reaksiyalar verilməlidir. Çünki biz bunu ötən ilin aprel ayında etdik. Artıq Azərbaycan quru bəyanatlar verməkdən çəkinməli və yeni proses yaratmalıdır. Bu da mütləqdir ki, hərbi siyasi proseslər olsun. Bir tərəfdən siyasi diplomatik addımlar atılmalı, digər tərəfdən isə hərbi. Belə olan halda Ermənistan öz xoşuna sülh masasına oturacaq. Əks halda havadarlarının dəstəyi ilə Azərbaycanın bütün sülh çağırışlarını sabotaj edəcək. Ayrıca, Azərbaycan ərazisində bu cür saymazyana siyasi tədbirlər keçirməklə bir növ qondarma Dağlıq Qarabağı beynəlxalq hüquqa müstəqil subyekti kimi tanıtmağa çalışacaqlar".

Qeyd edək ki, Azərbaycanın işğal edilmiş ərazilərində təşkil ediləcək forumda 21 partiya iştirak edəcək. Bunlardan 15-i Ermənistanı, 6-sı isə Qarabağ separatçılarını təmsil edəcək. Forumda həmçinin Ermənistan Prezident Serj Sərkisyan və separatçıların lideri Bako Saakyan da iştirak edəcək.