Daha bir ölkə Rusiya mediasını qadağan edir...

Moldova parlamenti Rusiya telekanallarının ölkə ərazisində fəaliyyətinin məhdudlaşdırılması barədə qanun layihəsini müzakirəyə çıxarıb.

Bunu jurnalistlərə açıqlamasında parlamentin sədri Andriyan Kandu söyləyib. O, bu qanun layihəsinin Moldovanın informasiya təhlükəsizliyinin təminatı üçün lazım olduğunu bildirib.

Qeyd edək ki, bundan öncə Ukrayna da Rusiyanın demək olar ki, bütün KİV orqanlarının ölkədə yayımlanmasına 3 illik sanksiya tətbiq edib. Moldova isə bir müddət əvvəl Rusiyanın 5 diplomatını arzuolunmaz şəxslər siyahısına salıb.

Kişinyovun bu addımını Moldova Prezidenti İqor Dodon dəstəkləməyib. Rusiya isə Moldovanın qərarına eyni addımla cavab verib.