ABŞ dolları bahalaşdırmağa hazırlaşır: Manatın taleyi isə... - ŞƏRH
21:12 / 10.06.2017
2156
"FES-in qərarının birbaşa olaraq manatın dəyərinə heç bir təsiri olmayıb və yoxdur. Çünki manat sərbəst dönərli valyuta deyil. Manatın dəyərinə yalnız neftin dünya bazar qiymətləri təsir edir. Bu da məsələnin birinci tərəfidir"
Bu sözləri Sfera.az-a açıqlamasında iqtisadçı ekspert Pərviz Heydərov bildirib.
Ekspertin fikrincə, FES-in bu dəfəki iclasında faiz dərəcəsinin qaldırılacağı ehtimalı böyükdür:
"Buna hər şeydən öncə qurumun məxsus olduğu ölkədə işsizlik səviyyəsinin aşağı olması göstəricisi şərait yaradır. Sözügedən göstərici 5 %-dən aşağıdır. Bu isə iqtisadi aktivliyin yuxarı səviyyədə olduğunu bildirir. Ümumiyyətlə, FES rəhbərliyi bu il üçün azı 3 dəfə faiz dərəcəsini qaldıracağını bildirmişdi. Bunun biri mart ayında edilib. Digərlərinin də baş tutması üçün kifayət qədər münbit şərait vardır".
Qeyd edək ki, FES-in növbəti toplantısında dolların uçot dərəcəsini daha 0,25 faiz qaldıracağı barədə informasiyalar var.
Gülnarə Eynullaqızı
Sfera.az
