Rusiyada azərbaycanlı reket tutulub
![Rusiyada azərbaycanlı reket tutulub](https://sfera.az/photo/orginal/2017/06/03/356225.jpg)
Rusiya Daxili İşlər Nazirliyinin (DİN) Moskva vilayəti üzrə idarəsi mütəşəkkil cinayətkar dəstənin üzvü olan Azərbaycan vətəndaşını ələ keçirib.
Adı açıqlanmayan Azərbaycan vətəndaşının da daxil olduğu dəstənin üzvləri iyun ayının 1-də Moskva vilayətinin Lyubertsı şəhərindəki kafedə bir kişi ilə görüşüb və ondan 30 milyon rubl (ilkin olaraq məbləğ 1 milyon rubl olub, zamanla bu səviyyəyə çatıb - red.) tələb ediblər. İstədikləri məbləği əldə edə bilməyən dəstə üzvləri qurbanını şəhər ətrafında yerləşən qəbristanlığa aparıblar və burada onu diri-diri basdırıblar. Bu da nəticə verməyincə, dəstən üzvləri həmin şəxsi qohumlarına zəng etməyə məcbur ediblər. Qohumlardan yalnız 1 milyon rubl və avtomobil ala bilən reketlərdən yalnız 1 nəfər - Azərbaycan vətəndaşı hüquq-mühafizə orqanları tərəfindən saxlanılıb. Hazırda həmyerlimiz istintaqa ifadə verir.
Dəstənin digər üzvlər axtarışdadır. Onlar barəsində Rusiya Federasiyasının Cinayət Məcəlləsinin 163-cü maddəsi ilə cinayət işi açılıb. Dəstə üzvlərinin işgəncələrinə məruz qalan şəxs isə həkim nəzarətində saxlanılır. Bildirilir ki, o, müxtəlif dərəcəli sınıq və travmalar alıb. (apa)
Sfera.az