Son dəqiqə: Fransanın yeni prezidenti Makron seçildi
![Son dəqiqə: Fransanın yeni prezidenti Makron seçildi](https://sfera.az/photo/orginal/2017/05/07/352192.jpg)
Bu gün Fransada prezident seçkilərinin ikinci turu keçirilir.
Axar.az xəbər verir ki, birinci turda 24,01% səs toplayan "İrəli” hərəkatının təsisçisi Emmanuel Makron və 21,3% səs toplayan Milli Cəbhə Partiyasının lideri Marin Le Pen ikinci turda mübarizə aparırlar.
Qeyd edək ki, Fransada prezident seçkilərinin birinci turu aprelin 23-də baş tutub.
***
Fransanın keçmiş prezidenti Nikolya Sarkozi həyat yoldaşı Karla Bruni ilə birlikdə Parisdə səs verib.
Hazırda ölkə üzrə seçici aktivliyi 28.23 faizdir.
***
"İrəli” hərəkatının təsisçisi Emmanuel Makron və Milli Cəbhə Partiyasının lideri Marin Le Pen ailələri ilə birlikdə səs verib.
***
Belçikanın "Soir” qəzetinin Fransanın dənizsahili əyalətlərində seçicilərdən götürdüyü sorğuya əsasən, Emmanuel Makron hazırda liderlik edir.
***
Prezident seçkilərinin ilkin nəticəsi Bakı vaxtı ilə saat 22:00-da elan ediləcək. İndiyə qədər isə seçicilərin o qədər də fəal olmadığı üzə çıxıb.
Belə ki, yerli vaxtla saat 17:00-a olan məlumata görə, seçicilərin yalnız 65,3 faizi seçkidə iştirak edib. Seçkilərin birinci turunda 17:00-a qədər artıq seçicilərin 69,42 faizi səs vermişdi.
***
Prezidentliyə namizəd Marin Le Pen seçkinin nəticələrini müşahidə etmək üçün Parisdəki seçki qərargahına gəlib.
***
Frans-Press Agentliyi seçkilərdə Emmanuel Makronun qələbə açldığını açıqlayıb.
***
Qeyri-rəsmi məlumatlara görə, Emmanuel Makron 65.1 faiz səslə Fransanın yeni prezidenti seçilib.