Dünyada bəzən filmlərdən daha maraqlı hekayələr olur. Kiçik detallar böyük fərq yarada bilər. Bəzi məlumatlar ilk dəfə eşidiləndə inanılmaz görünür. Lakin, hamısı real hadisələrə əsaslanır.

Sfera.az bu yazıda sizə həm maraqlı, həm də düşündürücü olan 10 maraqlı faktı təqdim edir.

Xəstələrindən Pul Əvəzinə Yumurta Alan Həkim

Braziliyadakı Ouro Branko bölgəsində çalışan Douglas Ciriaco, xəstələrini pul almadan müalicə etməsi ilə tanınır. Ucqar kəndlərdən olan xəstələr müalicə xərclərini ödəyə bilmədikləri üçün həkimə meyvə, tərəvəz və yumurta kimi kiçik hədiyyələr gətirirlər. Ciriaco üçün bu hədiyyələr puldan daha dəyərli hesab olunur. Həkimin bu yanaşması çoxları tərəfindən alqışlanır.

Corc Mayklın Ölümündən Sonra Gizli Xeyriyyəçilik Fəaliyyəti Aşkarlandı

Ölümündən sonra məlum olub ki, məşhur sənətçi Corc Maykl həyatı boyu bir çox insana gizlicə kömək edib. O, bəzi insanların tibbi xərclərini, borclarını ödəyib, evsizlərə kömək olub. Bu xeyriyyəçilik hərəkətlərinin əksəriyyəti ictimaiyyətdən gizli saxlanılıb. Sənətkarın bu cəhəti pərəstişkarlarını təəccübləndirib.

NFL Oyunçusu Karyerasını bitirərək Fermer Olub

Keçmiş NFL oyunçusu Ceyson Braun yüksək maaşlı karyerasından ayrılıb əkinçiliyə başlayıb. Şimali Karolinadakı fermasında yetişdirdiyi məhsulların çox hissəsini ehtiyacı olanlara bağışlayıb. Xüsusilə şirin kartof istehsalı ilə diqqəti cəlb edib. Braunun hekayəsi çoxları üçün ilham mənbəyinə çevrilib.

Yanğından Qaçmayan İt Sürünü Xilas Edib

2017-ci ildə Kaliforniyada baş verən böyük yanğın zamanı Odin adlı bir it sürüsünü tərk etməyib. Sahibləri ərazini tərk etmək məcburiyyətində qalıblar. Bir neçə gün sonra geri qayıdanda iti və keçiləri sağ tapıblar. Odinin sədaqəti hadisənin ən diqqətəlayiq detallarından birinə çevrilib.

Sərvətinin 90%-ni Kitabxanalara Bağışladı

Endryu Karnegi, dünyanın ən varlı insanlarından biri olmasına baxmayaraq, sərvətinin böyük bir hissəsini bağışlayıb. Dünyada 3000-dən çox kitabxananın yaradılmasına kömək edib. O, təhsilə çıxışın hər kəs üçün vacib olduğunu iddia edirdi. Karneginin ianələri müasir kitabxanaların inkişafında mühüm rol oynayıb.

Tutuquşular Təmənnasız Kömək Edə Bilər

Afrika boz tutuquşuları üzərində aparılan bir araşdırma, bu quşların fədakarcasına kömək edə biləcəyini ortaya qoyub. Təcrübədə tutuquşuların qida əldə etmək üçün bir-birlərinə jetonlar verdiyi müşahidə edilib. Bu davranış könüllü kömək hesab olunub. Tədqiqat heyvan zəkası ilə bağlı əlamətdar nəticələr təqdim etdi.

Yaşıl Dəniz Tısbağaları Nəsli Kəsilməkdən Xilas Edildi

İllərdir davam edən qoruma səylərindən sonra yaşıl dəniz tısbağaları nəsli kəsilməkdə olan növlər siyahısından çıxarılıb. Onların qlobal populyasiyasının əhəmiyyətli dərəcədə artdığı açıqlanıb. Bu inkişaf dəniz həyatı üçün ümidverici bir nümunəyə çevrilib.

Uşaqlıqda Poliomielit keçirdi, lakin 3 Olimpiya Qızıl Medalı Qazandı

(Poliomielit- sinir hüceyrələrini zədələyən, xüsusilə ayaqların iflici ilə nəticələnən xəstəlik)

Vilma Rudolf uşaqlığında poliomielit xəstəliyinə tutulub və həkimlər heç vaxt gəzməyəcəyini bildiriblər. Lakin o, çox çalışaraq idmançı olub. 1960-cı il Roma Olimpiadasında üç qızıl medal qazanıb. Rudolf idman tarixinin ən ilhamverici simalarından biri kimi xatırlanır.

Yaponiyada zəlzələlər zamanı pulsuz yemək verən satış avtomatları var

Yaponiyada bəzi satış avtomatları zəlzələlər zamanı pulsuz yemək və içki verir. Təcili rejimə keçən avtomatlar hətta elektrik kəsintiləri zamanı da işləyə bilər. Bu sistem fəlakətlərə hazırlığın bir hissəsi olaraq hazırlanmışdır. Kiçik, lakin təsirli bir həll yolu kimi seçilir.

Söyüşkən tutuquşular ayrı qəfəslərə qoyulub

İngiltərədə bir zooparkda 5 tutuquşu ziyarətçilərə söyüş söyməyə başlayıb. Tutuquşuların bir-birini ruhlandırdığı diqqət çəkib. Zoopark işçiləri quşları ayrı qəfəslərə köçürdüblər. Hadisə sosial mediada böyük diqqət çəkib.

Aynil

Sfera.az

“Google”da belə tapa bilməyəcəyiniz maraqlı və qəribə faktlar