Jeep ən güclü yolsuzluq avtomobilin təqdim edib
00:35 / 12.04.2017
846
Jeep şirkəti yolsuzluq avtomobili Grand Cherokee-nin güclü modifikasiyasını təqdim edib. O, Trackhawk adlandırılıb. Avtomobil istehsalçısı yeniliyi dünyada seriyalı yolsuzluq avtomobilləri arasında ən güclü və cəld adlandırır.
Model V-şəkilli, 6,2-litrli həcmi olan səkkizliklə təchiz edilib. Mühərrik 717 a.g. və 874 Nm fırlanma anına malikdir. Eyni mühərrikdən Dodge Charger və Challenger Hellcat-da istifadə edilir.
Grand Cherokee Trackhawk-un mühərriki 8-diapazonlu avtomatik sürət qutusu ilə birgə çalışır. O, yerindən 96 km/saata 3,5 saniyəyə sürətlənir. Avtomobil 11,6 saniyəyə 402 metr məsafə qət edir.
Jeep Grand Cherokee Trackhawk-un maksimal sürəti 290 km/saatdır. Avtomobil aprelin ortalarında Nyu-York avtosalonunda təqdim ediləcək.
