Azərbaycanda dəhşətli qəza: ölən və yaralanan var - VİDEO
Sabirabadda dəhşətli qəza olub. Yük maşını ilə toqquşan avtomobilin sürücüsü sıxılaraq ölüb. Maşında olan sərnişin isə ağır xəsarət alıb. Astara və Tovuzda isə piyada vurma qəzaları ölümlə nəticələnib.
Avtomobil yük maşını ilə toqquşdu. Sürücü sıxılaraq öldü. Hadisə gecə saatlarında Sabirabadda baş verib.Hacıqabul-Bəhrəmtəpə magistralının 16 -cı kilometrliyində rayonun Nizami kəndi ərazisində minik avtomobili yük avtomobili ilə toqquşub. Nəticədə sürücü Şirvan sakini, 37 yaşlı Rəşad Musayev hadisə yerində ölüb.
Sərnişin, Şirvan sakini, 33 yaşlı Elvin Musayev isə kəllə-beyin travması ilə Şirvan Mərkəzi xəstəxanasının reanimasiya şöbəsinə yerləşdirilib. Sürücünün avtomobildə sıxılmış meyiti xilasedicilər tərəfindən xüsusi avadanlığın köməyi ilə çıxarlaraq aidiyyatı üzrə təhvil verilib.
Tovuzda isə avtomobil piyadanı vuraraq öldürüb. Hadisə Rayonun Həzi Aslanov küçəsində baş verib. Gecə saatlarında yolu keçmək istəyən rayon sakini 51 yaşlı Tofiq Həsənov avtomobillə vurulub. Sürücü piyadanı xəstəxanaya çatdırsa da, həyatını xilas etmək mümkün olmayıb
Astarada da bənzər qəza olub. Rayonun Giləkəran kəndində 35- yaşlı İlkin Sultanov yolu keçmək istəyərkən onu maşın vurub.Yaralı dərhal sürücü tərəfindən xəstəxanaya çatdırılsa da,onun həyatını xilas etmək mümkün olmayıb.
